Кәмелетке толмағандар арасындағы қауіп-қатердің алдын алу: Көкшетау мен өңірлік аудандарда ата-аналар конференциясы өтті

Қазіргі заманның сын-тегеуріндері жағдайында отбасы институтын нығайту мен ата-аналардың саналы көзқарасын арттыру жасөспірімдердің тәуекелді мінез-құлқын алдын алудағы басты құралға айналуда.

Осы мақсатта Ақмола облысы білім басқармасының «Психологиялық қолдау орталығы» КММ мамандары – Шарипова Гүлжан Есентаевна, Хасенов Арнур Ринатович және Бабагулова Арай Қайратқызы – Көкшетау, Степногорск қалалары мен Зеренді және Біржан сал аудандарының мектеп оқушыларының ата-аналарына арналған ауқымды ата-аналар конференциясын өткізді.

 Конференцияда екі маңызды тақырып қамтылды:

• «Жасөспірімдер арасындағы нашақорлықтың алдын алу: клиникалық аспектілері және отбасының рөлі»

• «Отбасындағы қарым-қатынас – өзара түсіністіктің негізі»

Іс-шара барысында жасөспірімдерде тәуелділіктің қалыптасу механизмдері, ортаның және отбасының әсері, дағдарыстық жағдайларды ерте анықтау мен алдын алу жолдары жан-жақты қарастырылды. Ата-аналарға сенімді қарым-қатынас орнату, эмоционалды тұрақтылықты қамтамасыз ету және отбасылық құндылықтарды нығайту бойынша нақты тәжірибелік ұсыныстар берілді.

 Конференцияға 60-тан астам ата-ана қатысты. Бұл – ата-аналар тарапынан осындай кездесулерге деген жоғары сұранысты білдіреді. Қатысушылар ғылыми негізделген біліммен қатар, балаларының қауіп-қатерден сақтап, психологиялық тұрақтылығын арттыруға бағытталған нақты практикалық алгоритмдерге де ие болды.

 Мұндай форматтағы кездесулер жыл соңына дейін Ақмола облысының барлық өңірлерінде өткізіледі деп жоспарлануда.

 Отбасы – баланың сыртқы қауіп-қатерге төтеп беруіндегі басты тірегі. Қолдау неғұрлым мықты болса – бала өмір жолында соғұрлым сенімді қадам басады.