Педагог қызметкерлерді аттестаттау мәселелері бойынша әдістемелік жиын өтті

2025 жылғы 10 қаңтарда білім беру ұйымдарындағы педагогтерді аттестаттау үдерісіне қатысты әдістемелік жиналыс өтті.

Жиын барысында педагог қызметкерлерді аттестаттаудың негізгі мәселелері, қолданыстағы талаптар, сонымен қатар аттестацияға дайындық критерийлері жан-жақты талқыланды.

Қатысушыларға педагогтердің кәсіби құзыреттілігін бағалау жүйесіндегі жаңашылдықтар мен нормативтік-құқықтық негіздер бойынша ақпарат берілді.
Сонымен қатар, аттестаттау кезінде ескерілетін құжаттар топтамасы мен кәсіби дамуды дәлелдейтін материалдар бойынша нақты ұсыныстар ұсынылды.

Жиын педагогтерге сапалы дайындық жүргізуге және аттестаттау талаптарын дұрыс түсінуге жол ашты.