Вебинар: Білім алушыларға психологиялық қолдау көрсету

2024 жылғы 18 желтоқсанда «Ақмола облысы білім басқармасының психологиялық қолдау орталығы» КММ-нің ұйымдастыруымен мектептер, техникалық және кәсіптік білім беру ұйымдары мен облыстық ведомстволық бағынысты білім беру мекемелерінің педагог-психологтарының қатысуымен «Эмоционалдық тұрақсыздыққа қарсы және жоғары психологиялық күйзеліске ұшыраған білім алушыларға психологиялық көмек көрсету» тақырыбында вебинар өткізілді.

Іс-шараны ПҚО әдістемелік жұмыс бөлімінің меңгерушісі С. Уаисова ашып, вебинардың мақсаты мен жұмыс барысымен таныстырды.

Вебинар барысында педагог-психологтар өз іс-тәжірибелерімен бөлісті:

• А. Баймағанбетова (Целиноград ауданы, Қоянды ауылы №1 жалпы орта мектебі) – «Дағдарыс жағдайында психологиялық қолдау» тақырыбында;

• И. Малинская (Есіл қаласы, Сайлау Серіков атындағы ЖОМ) – «Жарақаттан кейінгі күйзеліске психологиялық қолдау» тақырыбында;

• Г. Шәріпова (ПҚО психологиялық жұмыс бөлімінің меңгерушісі) – «Психологиялық көмекті оқу үдерісіне кіріктіру» тақырыбында мазмұнды баяндама жасады.

Вебинар соңында қатысушылар пікір алмасып, ұсыныстарын ортаға салды.