Колледж студенттеріне төтенше жағдайларға психологиялық дайындық бойынша тренингтер өткізілді

2024 жылғы 17 және 21 қазан аралығында Ақмола облысы білім басқармасының «Психологиялық қолдау орталығы» КММ-нің мамандары «Арна» колледжі мен Жоғары көпсалалы азаматтық қорғаныс колледжінде студенттерге арналған «Төтенше жағдайлардағы іс-әрекетке психологиялық дайындық және стресске төзімділік» тақырыбында тренингтер өткізді.

Іс-шараның негізгі мақсаты – білім алушылардың төтенше жағдайлар кезіндегі мінез-құлық стратегияларын меңгеруі, шұғыл жағдайларда эмоцияны басқару дағдыларын дамыту және психологиялық тұрақтылықты қалыптастыру.

Тренинг барысында студенттер:

• төтенше жағдайларға тап болған кездегі психологиялық реакциялармен танысты;

• күйзеліске қарсы тұру жолдары мен өзін-өзі реттеу тәсілдерін үйренді;

• тәжірибелік жаттығулар арқылы қорқыныш пен мазасыздықты басқару әдістерін меңгерді.

🔹 Қатысушылар тренингтің практикалық маңыздылығын атап өтіп, өз ойларымен бөлісті. Мұндай шаралар білім алушылардың өмірлік дағдыларын дамытуға және психологиялық қауіпсіздігін қамтамасыз етуге бағытталған.