Ақмолалық педагог-психолог халықаралық фестивальдің жүлдегері атанды

2024 жылғы 3-4 қазан күндері Армения Республикасының Ереван қаласында Тәуелсіз Мемлекеттер Достастығына (ТМД) мүше елдердің мұғалімдері мен білім беру қызметкерлерінің қатысуымен «Өзгермелі әлемдегі білім: ТМД елдерінің білім берудің дамуына жаһандық шындықтың әсері» атты VIII съезд өтті.

Съезд аясында педагогикалық шеберліктің III халықаралық фестивалі ұйымдастырылды.

Фестивальдің мақсаты:

• ТМД елдеріндегі дарынды және табысты педагогтерді анықтау,

• Олардың үздік тәжірибесін халықаралық деңгейде тарату,

• Жаңғырып жатқан қоғамдағы білім берудің құндылықтары мен басым бағыттарын айқындау.

Фестиваль екі кезеңнен тұрды:

• сырттай (іріктеу кезеңі);

• жеке қатысу (қорытынды кезеңі).

Фестивальге Армения, Беларусь, Қырғызстан, Ресей, Тәжікстан және Қазақстан елдерінен барлығы 56 педагог қатысты. Байқау үш аталым бойынша өткізілді:

• «Мұғалім»,

• «Тәрбиеші»,

• «Психолог/әлеуметтік педагог».

Халықаралық байқау қорытындысы бойынша:

Ақмола облысы, Жарқайың ауданы, Державинск қаласындағы Н.К.Крупская атындағы жалпы білім беретін мектебінің психологы – Манатов Аслан Айтжанұлы
III дәрежелі дипломмен марапатталды.

Бұл жетістік — тек аймақ емес, еліміздің педагог-психологтар қауымдастығы үшін де үлкен мәртебе.

📌 Ақмола облысының білім беру саласындағы білікті мамандарын халықаралық деңгейде таныту бағытындағы жүйелі жұмыс алдағы уақытта да жалғасын табатын болады.