Атбасар ауданында қауіпсіз білім беру ортасын қалыптастыру мәселелеріне арналған семинар-практикум өтті

2024 жылғы 6 қыркүйекте Атбасар ауданының №3 жалпы білім беретін мектебінде Ақмола облысы білім басқармасының Психологиялық қолдау орталығының ұйымдастыруымен «Білім беру ұйымдарының психологиялық қызметінің қауіпсіз білім беру ортасын құру жөніндегі өзекті міндеттері» тақырыбында семинар-практикум өткізілді.

Іс-шара барысында қатысушыларға Психологиялық қолдау орталығының негізгі қызмет бағыттары таныстырылып, білім беру ұйымдарындағы психологиялық қызметтің нормативтік-құқықтық аспектілері жан-жақты қарастырылды.

Семинар аясында педагог-психологтар мен әлеуметтік педагогтар кеңес беру мен әдістемелік сүйемелдеу бойынша практикалық сабақтарға қатысты. Бұл сессиялар мамандардың тәжірибелік дағдыларын арттыруға және күнделікті жұмыс тиімділігін көтеруге бағытталды.

Сонымен қатар, ата-аналарға арналған арнайы ақпараттық сессия ұйымдастырылып, онда психологиялық-педагогикалық қолдау көрсету жолдары талқыланды. Мамандар ата-аналарға балалардың қауіпсіздігін қамтамасыз ету және мектеппен өзара тиімді байланыс орнату жөнінде ұсыныстар берді.

Семинар білім беру ұйымдарындағы психологиялық қызметтің сапасын арттыруға, ата-аналар мен мамандар арасындағы байланыс пен түсіністікті нығайтуға бағытталған маңызды алаңға айналды.